Azərbaycan, Bakı, 30 mart /Trend/
Qarlı hava şəraiti ilə əlaqədar təyyarələrin uçuş cədvəlində bir sıra dəyişikliklər olub.
Heydər Əliyev Beynəlxalq Hava Limanından Trend-ə verilən məlumata görə, saat 17:15-də Azərbaycan paytaxtına çatmalı olan İstanbul-Bakı reysini yerinə yetirən təyyarə hava şəraiti ilə əlaqədar saat 18:00-a qədər gecikib.
Saat 17:45-də paytaxta enməli olan Doha-Bakı reysi üzrə hərəkət edən təyyarə isə saat 18:05-dək ləngiyib.
Hazırda hava limanı şosesində nəqliyyatın hərəkətində sıxlıq müşahidə olunur. Magistralda sürət həddi məhdudlaşdırılıb.
Qarlı hava şəraiti ilə əlaqədar digər aviareyslərin cədvəlində də dəyişikliklər gözlənilir.