...

Qərbin sanksiyaları Azərbaycanla İran arasında bank sahəsində əməkdaşlığın inkişafını əngəlləyir

Biznes və iqtisadiyyat xəbərləri Materials 3 May 2014 12:03 (UTC +04:00)
ABŞ və Avropa İttifaqının İrana qarşı tətbiq etdiyi sanksiyalar Azərbaycanla İran arasında bank sahəsində əməkdaşlığın inkişafında, eləcə də birgə bankın yaradılmasında maneələr yaradır.

Trend-i buradan izləyin

Azərbaycan, Bakı, 3 may /Trend, müxbirlər T.Cəfərov, E.İsmayılov/

ABŞ və Avropa İttifaqının İrana qarşı tətbiq etdiyi sanksiyalar Azərbaycanla İran arasında bank sahəsində əməkdaşlığın inkişafında, eləcə də birgə bankın yaradılmasında maneələr yaradır.

Bunu Trend-ə Azərbaycana səfər edən İranın Milli İnkişaf Fondunun baş direktorunun müavini Qasem Hüseyni ölkənin rəsmi şəxsləri ilə keçirdiyi görüşlərdən sonra bildirib.

İranın Milli İnkişaf Fondu üç ildir ki, fəaliyyət göstərir və hazırda onun aktivləri 60 milyard dollara yaxındır.

ABŞ və Avropa İttifaqı İranın neft ixracı və ölkənin bank sistemi barəsində sanksiyalar qəbul edib, buna görə də İran bu sahədə müəyyən problemlərlə rastlaşıb. ABŞ, bir sıra başqa Qərb ölkələri və İsrail İranın dinc atom proqramı adı altında nüvə silahı hazırlamasından şübhələnirlər.

Fond rəhbərinin müavini qeyd edib ki, lakin son vaxtlar İran ilə Qərb ölkələri arasında aparılan danışıqlar zamanı müəyyən irəliləyişlər əldə olunub.

O, bu irəliləyişlərin mövcud problemlərin aradan qaldırılmasına kömək edəcəyinə və bunun da Azərbaycanla İran arasında bank sahəsində aparılan danışıqların nəticələrinə müsbət təsir edəcəyinə ümid etdiyini söyləyib.

2013-cü ilin noyabrında Cenevrədə İranın nüvə proqramının məhdudlaşdırılması müqabilində ABŞ və Aİ-nin İrana qarşı sanksiyaları qismən dayandırması haqqında razılaşma əldə olunub.

İranın nüvə proqramı üzrə danışıqların növbəti mərhələsi mayın 13-də Vyanada keçiriləcək.

Məqalədə:
Xəbər lenti

Xəbər lenti