Azərbaycan, Bakı, 5 may /Trend, müxbir E.Əliyev/
Azərbaycan Mərkəzi Bankının (AMB) qeyd etdiyinə görə, bu ilin yanvar-aprel aylarının nəticələri üzrə bankların ümumi mənfəəti zərərlə işləyən bankların itkilərindən 4,2 dəfə çox olub. Trend-in məlumatına görə, bu barədə AMB-nin statistik hesabatında deyilir.
Hesabata əsasən, 34 bankın mənfəəti 130,52 milyon manat, 9 bankın zərəri isə 30,96 milyon manat təşkil edib ki, bu da bank sisteminə 99,56 milyon manat xalis mənfəət qazanmağa imkan yaradıb.
Martda ötən ilin müvafiq dövrü ilə müqayisədə mənfəətlə işləyən bankların sayı 5 ədəd azalıb, sektorun ümumi mənfəəti isə 67,16 faiz artıb. Bununla belə, zərərlə işləyən bankların sayı 4-dən 9-dək, ümumi zərər isə 4,5 dəfə artıb.
Hesabatda deyilir ki, bank sisteminin qazandığı maksimum mənfəət 2013-cü ilin noyabrında 346,89 milyon manat səviyyəsində qeydə alınıb və 38 bankın işinin yekunu üzrə əldə edilib. Elə həmin ayda banklar ən yüksək xalis mənfəət - 334,16 milyon manat əldə ediblər.
Bankların fəaliyyətinin maliyyə nəticələri (vergilər ödənildikdən sonra) milyon manatla:
|
Dövrlər |
Mənfəətlə işləyən bankların sayı |
Bank sisteminin ümumi mənfəəti (mənfəətli banklar üzrə) |
Zərərlə işləyən bankların sayı |
Bank sisteminin ümumi zərərləri (zərərlə işləyən banklar üzrə) |
Bankların aldığı yekun mənfəət (+) və ya zərər (-) |
|
01.09.2013 |
39 |
78,08 |
4 |
-6,92 |
71,16 |
|
01.01.2014 |
34 |
130,52 |
9 |
-30,96 |
99,56 |
2014-cü ilin birinci rübünün yekunları üzrə Azərbaycanda 43 bank fəaliyyət göstərib: 42 kommersiya bankı və bir dövlət bankı. Xarici kapitallı banklar 22 ədəd təşkil edir. Onlardan 7-nin xarici kapitalda xüsusi çəkisi 50-dən 100 faizədək, 13 bankda 50 faizədək təşkil edib, eləcə də xarici bankların iki yerli filialı fəaliyyət göstərir.
