...

Azərbaycan bankları regionların kreditləşməsini il ərzində 1,7 dəfə artırıblar

Biznes və iqtisadiyyat xəbərləri Materials 5 Avqust 2014 19:12

Trend-i buradan izləyin

Azərbaycan, Bakı, 5 avqust/Trend, müxbir/

2014-cü il iyulun 1-nə olan vəziyyətə görə, Azərbaycan regionlarında əhaliyə verilən kreditlər bankların kredit portfelinin ümumi həcmində 2 665,7 milyon manat, yaxud 15,9 faiz təşkil edib. Trend-in məlumatına görə, bu barədə Azərbaycan Mərkəzi Bankının (AMB) 2014-cü ilin I yarısının nəticələri üzrə statistik hesabatında deyilir.

İl ərzində regionların kreditləşməsi 72,6 faiz artıb.

Hesabata əsasən, Bakıda bu göstərici 14 089,04 milyon manat təşkil edib ki, burada kreditlərin milli valyutada payı 10 148,2 milyon manat olub. Bu ilin iyununda ölkədə kreditlər üzrə orta faiz dərəcəsi 14,3 faiz, Bakı üzrə isə 13 faiz təşkil edib.

Mərkəzi Bankın məlumatına görə, Abşeron iqtisadi rayonu üzrə kreditləşmənin həcmi 19,2 orta faiz dərəcəsi ilə 537,8 milyon manat, Aran iqtisadi rayonunda - 21,5 orta faiz dərəcəsi ilə 928,8 milyon manat, Dağlıq Şirvanda - 105,8 milyon manat (23,7 faiz), Gəncə-Qazaxda - 335,3 milyon manat (22,3 faiz), Quba-Xaçmazda - 109,6 milyon manat (22,6 faiz), Lənkəran iqtisadi rayonunda - 281,3 milyon manat (23,6 faiz), Şəki-Zaqatala - 170,3 milyon manat (20,4 faiz), Yuxarı Qarabağ - 67,5 milyon manat (19,7 faiz), Kəlbəcər-Laçın - 24,54 milyon manat (24,9 faiz), Naxçıvan üzrə 104,65 milyon manat (13,2 faiz) təşkil edib.

İyulun 1-nə olan vəziyyətə görə, banklar tərəfindən 16 754,8 milyon manat kredit verilib ki, bu da ötən ilin analoji dövrünün göstəricisindən 21,64 faiz çoxdur.

Azərbaycanda 44 bank fəaliyyət göstərir.

Məqalədə:
Xəbər lenti

Xəbər lenti