Azərbaycan, Bakı, 18 oktyabr /Trend, müxbir Azad Həsənli/
Qiymətli Kağızlar üzrə Dövlət Komitəsi "Azər-Türk Bank" ASC-nin 36 552,68 min manat dəyərində sadə, adlı, sənədsiz səhmlərinin emissiya prospektini qeydiyyata alıb.
Trend-in Bakı Fond Birjasına istinadən verdiyi məlumata görə, emissiya çərçivəsində hər birinin nominal dəyəri bir manat olan 36 552 682 səhm qeydiyyata alınıb.
Yerləşdirmənin anderrayteri qismində "İnvest-Az" MMC çıxış edir.
Yerləşdirmə nəticəsində bankın nizamnamə kapitalı 3,7 dəfə artaraq 50 milyon manata çatıb.
Bankın nizamnamə kapitalı bu il sentyabrın 1-nə 13 447,32 min manat, məcmu kapitalı 16 942,73 min manat, aktivləri isə 104 352,60 min manat olub.
"Azər-Türk Bank" 1995-ci il mayın 25-də yaradılıb.