Azərbaycan, Bakı, 2 mart /Trend, müxbir Azad Həsənli/
2 mart 2015-ci il tarixindən etibarən "AzFinance Invest" MMC Bakı Fond Birjasının (BFB) üzvlüyünə qəbul edilib.
Trend-in birjaya istinadən verdiyi məlumata görə, hazırda BFB-nin "AzFinance Invest" MMC də daxil olmaqla 14 aktiv üzvü var.
"AzFinance Invest" MMC şirkəti Qiymətli Kağızlar üzrə Dövlət Komitəsi tərəfindən 7 aprel 2014-cü il tarixində verilmiş diler və broker fəaliyyəti ilə məşğul olmaq üçün müvafiq lisenziyalara malikdir.
Şirkətin cari tarixə nizamnamə kapitalı 1 milyon manat təşkil edir.