Bakı. Trend:
Azərbaycanın bank sektorunun restrukturizasiyası prosesi demək olar başa çatıb. Trend-in məlumatına görə, bunu jurnalistlərə Azərbaycan Mərkəzi Bankının sədri Elman Rüstəmov deyib.
O bildirib: "Zəif banklar getdilər və bunun hesabına bank sektorunun dayanıqlığı daha da yüksəldi. Yalnız kapitallaşma barədə qərar qəbul edən və yəqin yaxın vaxtlarda bankın yeni səhmdarlarının ümumi yığıncağının keçiriləcəyi AGBank-da bu məsələlərə baxılacaq. Güman edirəm ki, restrukturizasiya prosesini başa çatdıra biləcəyik".