Bakı. Ənvər Məmmədov - Trend:
2016-cı ilin 19 aprel tarixində Bakı Fond Birjasında (BFB) Maliyyyə Nazirliyinin 20 milyon manat dəyərində qısamüddətli manat istiqrazlarının yerləşdirilməsi üzrə hərrac keçiriləcək. Bu barədə Trend BFB-yə istinadən məlumat verir.
Hərracda hər birinin nominal dəyəri 100 manat və tədavül müddəti 364 gün olan 100 min istiqraz çıxarılacaq. İstiqazların ödəmə müddəti 2017-cı il 18 aprel tarixidir.
Bundan başqa, hərracda hər birinin nominal dəyəri 100 manat və tədavül müddəti 182 gün olan 100 min istiqraz çıxarılacaq. İstiqazların ödəmə müddəti 2016-cı il 18 oktyabr tarixidir.
Hərrac zamanı, qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.
Maliyyyə Nazirliyinin dövlət istiqrazlarının buraxılışının anderrayteri "Unicapital" investisiya şirkətidir.