...

Yardımlıda iki kəndin yolu təmir olunub (VİDEO/FOTO)

Biznes və iqtisadiyyat xəbərləri Materials 25 İyul 2016 10:59 (UTC +04:00)
“Azəravtoyol” ASC tərəfindən Yardımlı rayonunda iki kəndin yolu təmir olunub.
Yardımlıda iki kəndin yolu təmir olunub (VİDEO/FOTO)

Trend-i buradan izləyin

Bakı. Trend:

“Azəravtoyol” ASC tərəfindən Yardımlı rayonunda iki kəndin yolu təmir olunub. Bu barədə Trend-ə “Azəravtoyol” ASC-dən məlumat verilib.

Bildirilir ki, təmir-tikinti işləri 1.1 km uzunluğunda olan Çay üzü və 2.3 km-lik Perimbel kəndlərinə gedən avtomobil yollarında aparılıb.

Hər iki kəndə aparan yollar 46 km uzunluğunda olan yerli əhəmiyyətli Yardımlı-Deman-Avana avtomobil yolundan ayrılır. Çay üzü kəndinə gedən yol sözügedən avtomobil yolunun 4.2-ci km-dən, Perimbel yolu isə 10-cu km-dən ayrılır.

İşlər çərçivəsində Çay üzü kəndinə gedən avtomobil yoluna 9 metr enində 9900 m2 sahəyə çınqıl əsası tökülüb, kipləşdirilib. Daha sonra sözügedən yola 2 qat olmaqla yeni asfalt-beton örtüyü döşənib. Ümumilikdə yolun 6600 m2 sahəsi 6 metr enində asfaltlanıb. Bundan başqa hər bir istiqamət üzrə 1.5 metr enində olan çiyinlər qum-çınqıl qarışığından yenidən düzəldilib. Bu işlər 3300 m2 sahəni əhatə edib.

Analoji işlər Perimbel kəndinə gedən yolda da aparılıb. Belə ki, yolun 16100 m2 sahəsinə 7 metr enində çınqıl əsası tökülərək, kipləşdirilib və asfaltlanma işləri aparılıb. Yolun 10350 m2 sahəsinə 2 qat olmaqla yeni asfalt-beton örtük döşənib. Hər iki istiqamət üzrə 6900 m2 sahədə 1.5 metr enində çiyinlərin yenidən düzəldilməsi işləri də aparılıb.

Bütün işlər texnoloji ardıcıllığa riayət olunmaqla və yüksək keyfiyyətlə aparılıb.

Məqalədə:
Xəbər lenti

Xəbər lenti