...

VTB-nin (Azərbaycan) “Bakı-Moskva” kartı sahibinə əlavə qazanc gətirəcək

Biznes və iqtisadiyyat xəbərləri Materials 16 Noyabr 2017 17:43
Bank VTB (Azərbaycan) “Bakı-Moskva” kartının imkanlarını genişləndirib və indi bu xidməti müştərilər üçün daha çevik və sərfəli şərtlərlə təqdim edir.
VTB-nin (Azərbaycan) “Bakı-Moskva” kartı sahibinə əlavə qazanc gətirəcək

Trend-i buradan izləyin

Bakı. Trend:

Bank VTB (Azərbaycan) “Bakı-Moskva” kartının imkanlarını genişləndirib və indi bu xidməti müştərilər üçün daha çevik və sərfəli şərtlərlə təqdim edir.

Bankdan Trend-ə verilən məlumata görə, şərtlərin yenilənməsi nəticəsində kart, sahibinə əlavə qazanc gətirə bilər, kartı müxtəlif valyutada açmaq mümkündür, Cash Back funksiyasının qüvvədə olması üçün isə heç bir coğrafi məhdudiyyət qoyulmur.

Belə ki, bundan sonra “Bakı-Moskva” kartı üzrə hesabdakı qalıq məbləğinə əlavə gəlir hesablanacaq. Kartın valyutasından asılı olaraq, gəlir üzrə faiz dərəcəsi illik 0,5%-dən 4,5%-dək dəyişə bilər.

Yeni şərtlərə əsasən, sözügedən kartı artıq manat, rubl, dollar və ya avroda açmaq olar.

Daha bir dəyişiklik Cash Back funksiyasına aiddir: indi nəinki Rusiyada, həm də dünyanın istənilən ölkəsində nağdsız əməliyyatlar üzrə xərclənən məbləğin 0,5%-i kart hesabına geri qayıdacaq.

“Bakı-Moskva” kartı nağdsız ödənişlər və nağdlaşdırma üçün, eləcə də pul vəsaitinin hesabda yığılması üçün nəzərdə tutulan, 24 və 36 ay müddəti olan debet kartıdır.

Məqalədə:
Xəbər lenti

Xəbər lenti