...

Qida Təhlükəsizliyi Agentliyi FAO ilə əməkdaşlıq istiqamətlərini açıqlayıb

Biznes və iqtisadiyyat xəbərləri Materials 24 Yanvar 2023 11:37 (UTC +04:00)
Qida Təhlükəsizliyi Agentliyi FAO ilə əməkdaşlıq istiqamətlərini açıqlayıb
Sədrəddin Ağcayev
Sədrəddin Ağcayev
Bütün xəbərlər

Bakı. Trend:

Azərbaycan Respublikasının Qida Təhlükəsizliyi Agentliyi və BMT-nin Ərzaq və Kənd Təsərrüfatı Təşkilatı (FAO) qida təhlükəsizliyinin təmin olunması sahəsində bir sıra birgə layihələr reallaşdırmaqdadır.

Trend-in məlumatına görə, bu barədə Qida Təhlükəsizliyi Agentliyinin Aparat rəhbəri Elxan Mikayılov FAO-nun Azərbaycandakı fəaliyyətinə həsr olunmuş regional seminar zamanı deyib.

Onun sözlərinə görə, Azərbaycan bu istiqamətdə FAO-nun Türkiyə ofisi ilə sıx əməkdaşlıq edir.

"FAO ölkəmizi standartlaşma məsələlərində dəstəkləyir ki, bu da idxal-ixrac əməliyyatlarında zəruridir. Biz həmçinin zərərvericilərə qarşı birgə mübarizə aparır, birgə laboratoriyalar hazırlayır və bir sıra digər layihələr reallaşdırırıq" - o deyib.

Aparat rəhbəri həmçinin, Agentliyin FAO ilə əməkdaşlıq zamanı müvafiq qanunvericilik formalaşdırdığını və bu sayədə Azərbaycanda beynəlxalq standartlara uyğun qida təhlükəsizliyi bazası hazırlamağın mümkün olacağını qeyd edib.

Qeyd edək ki, FAO-nun əsas məqsədi Azərbaycanda qida məhsullarının və tullantıların idarə olunması sahəsində layihələrə dəstəyə yönəlib. Tərəflər birlikdə kənd təsərrüfatı sahəsində 60-dan yuxarı layihə reallaşdırıb, xüsusən də ölkənin bölgələrində kənd təsərrüfatı mühiti, o cümlədən qida təhlükəsizliyi yaxşılaşdırılıb.

Məqalədə:
Xəbər lenti

Xəbər lenti