Azərbaycan Dövlət Xəzər Dəniz Gəmiçiliyinə məxsus "Mayestro Niyazi" gəmisi iyulun 8-də Volqa-Don kanalından Bakıya çatıb. Gəmiçiliyin mətbuat katibi Vüqar Miirsadığın Trend agentliyinə verdiyi məlumata görə, hazırda gəminin yükü boşaldılır. XDG-in digər 2 gəmisi - "Natavan" və "Rəsul Rza" Bakıya iyulun 10-da çatacaq.
Rusiyanın sərhəd xidməti iyunun 30-da bu gəmilərin Volqa-Don kanalı ilə keçib getmələrinə icazə vermişdir. "Mayestro Niyazi" (aprelin 14-dən), "Natavan" (mayın 3-dən), "Rəsul Rza" gəmiləri (mayın 8-dən) Azov dənizində keçib getmələrinə icazə verilməsini gözləyirdilər.
