Garadagh Cement Açıq Səhmdar Cəmiyyəti (ASC) baş ofisin zavodda yeni texnologi xəttin tətbiqi barədə son qərarı gözləyir. Trend in məlumatına görə, bu barədə Garadagh Cement ASC-nin İdarə Heyətinin sədri Uve Kehler müəssisənin səhmdarlarının illik toplantısında bildirib.
Onun sözlərinə görə, ASC-nin qarşısında duran ən perspektivli tədbir 4 köhnə sobanın yeniləri ilə əvəz olunmasıdır. Garadagh Cement-in rəhbəri həmçinin bildirib ki, alternativ yanacaqdan istifadə zavodun prioritet istiqamət fəaliyyəti olaraq qalmaqdadır.
Kehlerin fikrincə, Abşeron yarımadasının ekoloji vəziyyətini nizamlamasına şirkət müxtəlif növ neft məhsullarının yandırılması yolu ilə yardım göstərə bilər. Lakin bunun üçün müəssisəyə hökumətin köməyi tələb olunur.
"Vulkan materiallarından istifadə etməklə biz sementin tərkibindəki klinker (odadavamlı kərpic) amilini əhəmiyyətli dərəcədə azalda bilərik. Lakin təəssüf ki, Tovuzdakı müəssisəyə çıxış yerli İcra Hakimiyyəti üçün bağlıdır və biz hazırda vulkan külü materialından istifadə edirik", - deyə İdarə Heyətinin sədri bildirib.
Garadagh Cement ASC cari ildə 1,3 milyon ton sement istehsal etməyi və yeni sobaların tikintisi layihəsinə sərmayə qoymağı planlaşdırır.
