İqtisadi İnkişaf Nazirliyinin Dövlət Əmlakını İdarə Etmə və Özəlləşdirmə Departamenti Mingəçevir şüşə lifi istehsalı zavoduna məxsus səhmlərin 97,78%-nin satışı üzrə investisiya müsabiqəsi elan edib. Trend in məlumatına görə, iddiaçıların sənəd və təkliflərinin qəbulu 2005-ci il dekabrın 14-nə, onların qiymətləndirilməsi isə dekabrın 16-na təyin edilib.
Müsabiqədə yerli və xarici investorlar iştirak edə bilərlər. Üstünlük kimya istehsalının təşkilində qabaqcıl təcrübəyə malik olan, daha böyük həcmdə investisiya təklif edən iddiaçılara veriləcək. Onlar bankın zəmanət məktubunu təqdim etməli və ya departamentin bank hesabına 200 mln manat keçirməlidirlər.
Müsabiqənin qalibi SC-yə məxsus səhmlərin alqı-satqı müqaviləsinin imzalanmasından sonra 30 gün ərzində müəssisənin hesablaşma hesabına planlaşdırılmış investisiyaların ümumi həcminin 5%-ni, dövlət büdcəsinə 700 mln manat keçirməli, 56 min özəlləşdirmə çeki verməlidir.
