Əmək və əhalinin sosial müdafiəsi nazirliyi işsizlərin yeni iş yerləri ilə təmin edilməsi üzrə iş aparır.Nazirliyin məşğulluq Baş İdarəsində Trend ə bildirilib ki, bu məqsədlə ölkənin regionlarında əmək yarmarkalarının keçirilməsi üzrə işlər davam etdirilir.
İdarədə qeyd olunub ki, sentyabrın 8-də Şamaxı və Xanlar rayonlarında növbəti tədbirlər keçiriləcək və orada 40 müəssisənin iştirakı nəzərdə tutulur.Sentyabrın 9-da Tovuzda və Yevlaxda əmək yarmarkaları keçiriləcək.Sonuncu dəfə Bərdədə belə tədbir sentyabrın 5-də keçirilib.
Avqustda idarə tərəfindən Balakən, Ucar, Astara, Gədəbəy, Sabirabad, Kürdəmir, Ağsu, Qəbələ, Saatlı, Zərdab, Samux və Dəvəçidə icra hakimiyyətləri ilə birgə əmək yarmarkaları keçirilib.
Bütünlükdə ilin əvvəlindən respublika üzrə keçirilən yarmarkalar nəticəsində təxminən 4 min nəfər işlə təmin edilib.
