Aqrolizinq ASC regional bazaların yaradılması üzrə işlər aparır.ASC-də Trend ə bildirilib ki, hazırda gündəlikdə ASC-nin Şəkidə ilk bazasının yaradılması məsələsi dayanır.
Dövlət qurumunda bildirilib ki, bu məqsədlə artıq Şəki rayonunun Cəfərabad kəndində müvafiq ərazi də ayrılıb, baxış keçirildikdən sonra işlərə başlanılacaq. Analoji obyektlərin Ucar, Cəlilabad və Bakıda yaradılması planlaşdırılır. "Ümumilikdə, sayılan bazalardan başqa 10 obyektin yaradılması nəzərdə tutulur" -deyə ASC-də bildirilib.
Bu bazalar vasitəsilə lizinq yolu ilə kənd təsərrüfatı texnikasının icarəyə verilməsi, həmin istiqamətdə texniki xidmət göstərilməsi, həm də gübrə əldə edilməsi və satılması imkanı təmin ediləcək.