Azərbaycan sentyabrın 30-da Stavangerdə (Norveç) keçirilən Avropanın Ticarət-Sənaye Palatalar Birliyinin (Eurochambres) iclasında ilk dəfə təmsil olunub. Bu barədə Trend ə Azərbaycanın Ticarət-Sənaye Palatasının vitse-prezidenti Mehman Əhmədov bildirib.
Onun sözlərinə görə, Azərbaycan təşkilata daxil olduğu 2005-ci ilin may ayından bu günə kimi Avropa Palatasının rəyasət heyətinin iclasında ilk dəfə iştirak edərək səs vermək imkanı əldə edib.
Hazırda təşkilata Türkiyə sədrlik edir, onun prezidenti isə bu ölkənin Ticarət-Sənaye Birliyinin rəhbəri Rifat Hisarçıklıoğludur. Rəyasət heyətinin iclasında təşkilata üzv ölkələrin ticarət-sənaye palatalarının gələcək əməkdaşlığı, Avropanın işgüzar aləminə inteqrasiya ilə bağlı məsələlər müzakirəyə çıxarılıb.