...

HÜQUQ-MÜHAFİZƏ ORQANLARI MALLARIN QİYMƏTLƏRİNİ İKİ MİQYASDA GÖSTƏRMƏYƏN OBYEKTLƏRƏ QARŞI TƏDBİR GÖRƏCƏK

Biznes və iqtisadiyyat xəbərləri Materials 1 Oktyabr 2005 11:39 (UTC +04:00)

Oktyabrın 1-dən Azərbaycanda bütün qiymət cədvəlləri iki miqyasda göstərilməlidir. Milli Bankdan Trend ə verilən məlumata görə, bu qaydaya əməl etməyən obyektlərə qarşı müvafiq tədbirlər görüləcək. Sanksiyalar hüquq-mühafizə orqanları tərəfitndən tətbiq olunacaq.

Beləliklə, oktyabrın 1-dən qiymətlər həm mövcud, həm də yeni miqyasda göstərilməlidir. Milli valyutanın denominasiyası 2006-cı il yanvarın 1-dən həyata keçiriləcək. Bu barədə prezident İlham Əliyev fevralın 7-də fərman imzalayıb. Fərmana əsasən, 1 yeni manat 5 000 köhnə manata bərabər olacaq. Köhnə pullar qanuni ödəmə vasitəsi kimi 2006-cı il dekabrın 31-nə kimi dövriyyədə olacaq.

Mövcud əskinaslar 1992-ci ildən dövriyyədədir. 1992-ci ilin avqustunda 1, 10 və 250 manat, noyabrda 5, 10, 20 və 50 qəpik, dekabrda 5 manat, 1993-cü ilin martında 50, 100, 500 və 1000, 1996-cı ildə isə 50 000 manatlıq əskinaslar dövriyyəyə buraxılıb.

1992-ci ilin avqustundan etibarən manat rublla paralel olaraq 1 manat=10 rubl nisbətində istifadə olunub. Azərbaycan Respublikası prezidentinin "Azərbaycan Respublikasının milli valyutasının Respublika ərazisində yeganə ödəmə vasitəsi elan edilməsi haqqında" 11 dekabr 1993-cü il tarixli 50 saylı fərmanına əsasən manat 1994-cü il yanvarın 1-dən dövriyyədə yeganə ödəmə vasitəsi kimi təsdiq olunub.

Bu, dövlət komissiyası tərəfindən hazırlanmış və 1995-ci il noyabrın 12-də keçirilmiş referedumda ümumxalq səsverməsi yolu ilə qəbul olunmuş konstitusiya aktında ikinci dəfə təsdiqlənib.

Hazırda əskinas və 6 növdə sikkələrin hazırlanması prosesi başa çatıb. Dizayn eskizləri prezidentə təqdim olunub və onlar razılaşdırılır. 4 il müddətinə 250 mln yeni banknot və 155 mln sikkə sifariş etmək nəzərdə tutulub. 100, 50, 20, 10, 5 və 1 nominallı banknotlar, 1, 3, 5, 10, 20 və 50 qəpik buraxmaq planlaşdırılır. 20 qəpiklik sikkələr bimetallik - sarı və ağ rəngdə olacaq.

AMB artıq Avstriyanın Osterreicheichische Banknoten und Sicherheitsduck şirkəti ilə yeni əskinas və sikkələrin çapı və kəsilməsi haqqında müqavilə bağlayıb. Müqavilənən dəyəri 16 mln avrodur.

Xəbər lenti

Xəbər lenti