Avropa komissiyası Azərbaycana dövlət xidməti haqqında qanunun gerçəkləşdirilməsinə dəstəyi davam etdirməyə hazırdır. Avropa birliyi (AB) texniki yardım proqramının (Tacis) Əlaqələndirmə bürosunun Azərbaycan üzrə icraçı direktoru Əsgər Ələkbərov Trend ə bildirib ki, proqramın policy advice kiçik layihələri çərçivəsində Azərbaycan prezidenti yanında dövlət xidməti məsələləri üzrə Komissiyaya yardım göstərilməsi üçün texniki tapşırıq hazırlanıb.
"Yardım 12 ay və büdcə 160 min avro olaraq nəzərdə tutulub. Layihə işlənib-hazırlanmanın davam etdirilməsini və dövlət xidmətinə müsahibə yolu seçim test sisteminin tətbiqini nəzərdə tutur. Yardım başa çatmış böyük layihəyə əlavə olduğu üçün avadanlığın gətirilməsi nəzərdə tutulmur" -deyə Ə.Ələkbərov bildirib.
Komissiya Azərbaycan prezidentinin 180 saylı 19 yanvar 2005-ci il tarixli fərmanı ilə yaradılıb. Tacis-in 2000-ci maliyyə ilinin milli hərəkət planına aid olan "Azərbaycanda dövlət xidmətinin təkmilləşdirilməsinə yardım" layihəsi 24 aya və büdcəsi 1,3 mln. avro.olaraq nəzərdə tutulub. Alğəns Arcadis BMB Management Consultants (Hollandiya) və Almaniyanın GTZ texniki yardım cəmiyyəti layihənin gerçəkləşdirilməsinə 2002-ci il oktyabrın 9-da başlayıb və 2005-ci ilin əvvəlində başa çatdırıb.
