2005-ci il dekabrın 24-də Poti-Bakı-Aktau-Almatı marşrutu ilə birinci konteyner qatarının buraxılması çərçivəsində Azərbaycan, Gürcüstan və Qazaxıstanda rəsmi mərasimlər keçiriləcək. Bu barədə Trend ə Azərbaycanın Nəqliyyat nazirliyindən məlumat verilib.
Birinci tədbir Potidə, ikinci - Bakıda, üçüncü isə - Aktauda keçiriləcək. Tədbirlərdə ölkələrin hökumət orqanları və nəqliyyat idarələrinin nümayəndələri iştirak edəcək. Nazirlikdən bildirilib ki, Çin də bu tədbirdə iştirak etməkdə maraqlıdır və bununla əlaqədar hər üç ölkəyə rəsmi müraciət göndərib.
Qatarın buraxılması haqqında qərar dekabrın 5-6-da Tiflisdə keçirilmiş Azərbaycan, Gürcüstan və Qazaxıstanın səlahiyyətli nümayəndələrindən ibarət işçi qrupunun növbəti iclasının yekunları üzrə qəbul edilib.
Qatar həftədə 2 dəfə müntəzəm reyslər həyata keçirəcək. 24 vaqondan ibarət qatar əvvəlcə Poti limanına yola düşəcək.
Bolqarıstan tərəfi Varna və Burqas limanlarının layihəyə qoşulmasında maraqlıdır.
Poti-Bakı-Aktau-Almatı marşrutunun hərəkət layihəsi TRACECA dəhlizinin rəqabət qabiliyyətinin artmasına və bərə konteyner daşımalarının inkişafına şərait yaradacaq.
1 ton yükə görə tarif 0,022 dollar olacaq.
