...

Naxçıvan MR-də QKDK İdarəsinin rəhbəri təyin edilib

Biznes və iqtisadiyyat xəbərləri Materials 16 Fevral 2006 19:46 (UTC +04:00)

Azərbaycan prezidenti yanında qiymətli kağızlar üzrə Dövlət Komitəsinin (QKDK) Naxçıvan Muxtar Respublikasındakı İdarəsinin direktoru vəzifəsinə Rəhimov Həbib Hacı oğlu təyin edilib. Trend QKDK-nin məlumatına istinadən bildirir ki, idarə 2005-ci ilin dekabrın 12-də qüvvəyə minmiş Əsasnamə əsasında hüquqi şəxs kimi fəaliyyət göstərir.

İdarə prezidentin 2005-ci il 22 sentyabr tarixli "NMR-də QKDK idarəsinin fəaliyyətinin təşkili haqqında" sərəncamına əsasən yaradılıb. QKDK-nin bu struktur bölməsinin yaradılmasında əsas məqsəd dövlət siyasətinin aparılması, qiymətli kağızlar bazarının inkişafı və formalaşdırılması sahəsində idarəetmə və tənzimləmə, QK bazarı subyektlərinin normativ aktlara riayət etməsinin təmin edilməsi, QK bazarının peşəkar iştirakçılarının fəaliyətinə nəzarətin həyata keçirilməsi, QK sərmayəçiləri, səhmdarları və sahiblərinin maraqlarının və hüquqlarının müdafiəsidir.

Xəbər lenti

Xəbər lenti