Azərbaycan Beynəlxalq kənd təsərrüfatı tədqiqatları üzrə Məsləhət qrupunun (Consultative Group on International Agricultural Research (CGIAR) illik toplantısında iştirak edəcək. Azərbaycanın Kənd Təsərrüfatı Nazirliyindən Trend ə verilən məlumata görə, tədbirdə kənd təsərrüfatı nazirinin müavini Bəhram Əliyevin və nazirliyin elmi-aqrar mərkəzinin baş direktoru Əsəd Musayev iştirak edəcək. Toplantı aprelin 3-dən 7-nə kimi Daşkənddə keçiriləcək.
Azərbaycandan olan nümayəndə heyəti CGIAR-ın tərkibinə daxil olan beynəlxalq təşkilatlarla, eləcə də Quraqlıq ərazilərdə kənd təsərrüfatı üzrə tədqiqatların Beynəlxalq mərkəzi ICARDA (International Center for Agricultural Research in the Dry Areas) ilə əməkdaşlığın yekunları üzrə hesabat təqdim edəcək.
Görüşdə Orta Asiyadan, Qafqazdan, Yaxın Şərqdən və eləcə də Tropik kənd təsərrüfatı Beynəlxalq mərkəzindən (Centro Internacional de Agricultura Tropical (CIAT), Meşə təsərrüfatı tədqiqatlarının beynəlxalq mərkəzindən (CIFOR), Qarğıdalı və buğdanın yaxşılaşdırılması üzrə beynəlxalq mərkəzdən (CIMMYT), Kartofçuluq üzrə Beynəlxalq mərkəzdən (Centro Internacional de la Papa) (CIP), Beynəlxalq ərzaq siyasəti ETİ (IFPRI), Benyəlxalq Tropik kənd təsərrüfatı ETİ (IITA), Beynəlxalq heyvandarlıq ETİ (ILRI), Beynəlxalq bitkilərin genetik ehtiyatları ETİ (IPGRI), Beynəlxalq düyü ETİ (IRRI), Beynəlxalq Su ehtiyatlarının idarə edilməsi üzrə ETİ (IWMI), Düyüçülüyün inkişafı üzrə Qərbi Afrika Assosiasiyası (Africa Rice Center), Ümumdünya Aqromeşə mərkəzi (ICRAF) və dirgər təşkilatların nümayəndələrinin iştirakı gözlənilir.
2004-cü ildə analoji görüş Azərbaycanda keçirilib.
Beynəlxalq kənd təsərrüfatı tədqiqatları üzrə Məsləhət qrupu (Consultative Group on International Agricultural Research (CGIAR) ölkələrin, beynəlxalq və regional təşkilatların və özəl fondların strateji alyansıdır. Onun himayəsi altında 15 beynəlxalq kənd təsərrüfatı araşdırmaları mərkəzi fəaliyyət göstərir. Bu alyans kənd təsərrüfatı sahəsində yoxsulluğun azaldılması üzrə elmi işləri səfərbər edir, əhalinin rifah halının yaxşılaşmasına yardım edir, kənd təsərrüfatı sektorunun və ətraf mühitin mühafizəsinin artımını stimullaşdırır.
