"Daşınmaz əmlak bazarının iştirakçıları" İctimai Birliyinin keçirdiyi monitorinqə görə, mart ayında daşınmaz əmlakın qiymətinin dəyişməsi sürəti fevral ayına nisbətən artsa da, ötən ilin analoji dövrü ilə müqayisədə aşağı düşüb. Trend dən verilən məlumata görə, AZERI REI bir ay ərzində qiymətlərin indeksi 2,3 dəfə, ildə isə 6,9 pillə artaraq martda 205,1 təşkil edib.
Mart ayı ərzində şəhərdə ikinci bazarda orta qiymət 1,4% artıb ki, ötən ilin martında bu artım 3,9% müşahidə olunmuşdu. Mənzillərin bahalaşması üzrə ən yüksək qiymət yeni tikililərdə 3,7%, aşağı qiymət isə xüsusi layihə üzrə tikilən evlərdə 1,3% olub.
