Azərbaycanda səhiyyə sistemində islahatlar aparılması üzrə layihənin yekun qiymətləndirilməsini həyata keçirmək üçün aprelin üçüncü ongünlüyündə layihənin rəhbəri və ictimai səhiyyə üzrə rəhbəri Yenis Barışın rəhbərliyi altında Dünya Bankının missiyasının gələcəyi gözlənilir. Bu barədə Trend ə DB-nın Bakıdakı ofisindən məlumat verilib.
Qiymətləndirmənin başa çatmasından sonra layihənin bankın Direktorlar Şurası tərəfindən 2006-cı il maliyyə ilində təsdiqlənəcəyi gözlənilir. Bunun üçün may ayında DB ilə Azərbaycan hökuməti arasında kredit razılaşması üzrə rəsmi danışıqlara başlanılmalıdır.
Layihənin dəyərinin artmasının mümkünlüyünə baxmayaraq, DB Beynəlxalq İnkişaf Assosiasiyasının (BİA) vəsaitindən $45-50 mln. ayırmaq niyyətindədir. Yerdə qalan vəsait Azərbaycan hökuməti tərəfindən köçürüləcək.
Layihənin genişləndirilməsi regionlardakı əhalinin paytaxta axışmaması üçün bir neçə pilot rayonda (5-10) xəstəxanının tikintisi ilə əlaqədardır. Bu zaman köhnə xəstəxanaların ləğv edilməsi məqsədəuyğun hesab edilir. Səhiyyə Nazirliyi layihəyə kənd yerlərində poliklinikaların tikintisinin daxil edilməsini təklif edir.
Layihənin hazırlanması DB-nın $450 minlik qrantı hesabına həyata keçirilir.
