2006-cı ilin ikinci rübü ərzində Bank Standard öz nizamnamə kapitalını 50% artıraraq 15 mln. AZN-ə çatdırmağı planlaşdırır. Trend in verdiyi məlumata görə, bu barədə aprelin 17-də bankın idarə heyətinin sədrinin birinci müavini Cavid Quliyev məlumat verib. Bu gün bankın NK 10 mln. AZN təşkil edir. Aprelin 1-nə olan vəziyyətə görə, bankın ümumi kapitalı 13,072 mln. AZN olub ki, bu da 2005-ci ilin sonlarında olan vəziyyətdən 8% çoxdur. Bankın NK-nın artırılması səhmdarların strukturuna təsir etmir və Bank Standard-ın yeganə səhmdarı AB Standard holdinqidir.
Bankın gələcəkdə kapitalaşdırılması üzrə planlar 2006-cı ildə qarşıya qoyulan strateji tapşırıqların həyata keçirilməsi ilə əlaqədardır. Eləcə də, filial şəbəkənin genişləndirilməsi üzrə planlar artıq 2-3 aydır ki, reallaşdırılır. C.Quliyevin qeyd etdiyinə görə, Bakıda və Sumqayıtda bir yeni filial açılacaq. Bank Standard artıq 8 filiala (Bakıda 6, Lənkəran, Gəncə və Siyəzəndə hər birində bir) malikdir.
Bu gün bankın qarşısına qoyduğu ən mühüm vəzifə iri özəl bank mövqeyini qoruyub saxlamaqdır. Sədr müavinin sözlərinə görə, bankın bazar payı 7%-i ötüb. Yekun nəticələr Bank Standard -da PriceWaterhouseCoopers beynəlxalq auditor şirkəti tərəfindən aparılan audit başa çatdıqdan sonra məlum olacaq. C.Quliyevin sözlərinə görə, özü də əsas göstəricilər üzrə artım tendensiyası səhmdarların və bankın menecerlərinin gözləntilərini qabaqlayır. Bu gün o, artıq özəl bank bazarında kredit portfeli, aktivlər, cəlb olunan vəsaitlər, Nizamnamə Kapitalına görə liderlik edir.
Birinci rüb ərzində bankın aktivləri 16% artaraq 115,314 mln. AZN, verilən kreditlərin ölçüsü - 53,636 mln. AZN (16% artımla), depozitlərin ümumi məbləği - 101,154 mln. AZN (16%), müştəri hesabları üzrə vəsaitin məbləği- 55,686 mln. AZN (8%) təşkil edib.