2006-cı ilin yanvar-mart aylarında Naxçıvan Muxtar Respublikasına yük daşımalarının həcmi 3,2% artıb. Bu dövr ərzində sərnişin daşımasında artım 2005-ci ilin analoji dövrü ilə müqayisdə 5,3% təşkil edib. Bu barədə Trend ə NMR-in Bakıdakı daimi nümayəndəliyindən məlumat verilib.
Bu dövr ərzində NMR-in nəqliyyat müəssisələri tərəfindən 160,1 min ton yük və 10145,4 min nəfər sərnişin daşınıb.
Yük və sərnişin daşımalarından 5689,9 min manat gəlir əldə olunub ki, bu da ötən ilin analoji dövrü ilə müqayisədə 7,6% çoxdur.
Dövlət Statistika Komitəsinin məlumatına görə, 2006-cı ilin yanvar-mart aylarında Azərbaycanın nəqliyyat sektoru 30,7 mln. ton müxtəlif yük daşımaları həyata keçirib. Bu, ötən ilin analoji dövrü ilə müqayisədə 10,7% çoxdur. Daşınmış yüklərin ümumi həcminin 52,6%-i özəl sektorun payına düşür. I rüb ərzində yüklərin ümumi həcminin 49,8%-i avtomobil nəqliyyatı, 16,5%-i boru kəməri, 23%-i - dəmiryol, 10,7%-i isə dəniz nəqliyyatı ilə daşınıb.
