I yarımilin sonuna qədər Azərbaycanda Fransanın Societe Generale korporativ və investisiya bankının portfeli təxminən 30-40% artacaq. Bu barədə Trend ə bankın regional nümayəndəsi Teybə Quliyeva bildirib. Bir çox layihələr müzakirə olunsa da, cəmi iki layihə üzrə konkret iş aparılır.
"Layihələr üzərində dəimi iş aparılır, bu və ya digər istiqamətdə işləyən ekspertlər ölkəyə gəlir. Biz ümumi hadisələrin inkişafından razıyıq. 2006-cı ilə yaxşı başlayıb və biz ilin sonuna qədər bir neçə müqavilə imzalamağa ümid edirik. Bunun üçün əlverişli şərait var" - deyə T.Quliyeva vurğulayıb.
Bankın Azərbaycanda gerçəkləşdirilən layihələ qoyduğu vəsaitin ümumi həcmi təxminən $300 mln. təşkil edir. T.Quliyevanın sözzlərinə görə, bankticarətin və ixracatın maliyyələşdirməsi proqramı çərçivəsində iri özəl və dövlət bankları ilə əməkdaşlıq edir, energetika layihələrini maliyyələşdirir.
Societe Generale bankı ən böyük həcmdə yatırımı BTC layihəsinə həyata keçirib. "Bizim Dövlət Neft Şirkəti üçün ümumi həcmi $750 mln olan sindikatlaşdırılmış kreditdə iştirakımız $65 mln. təşkil edib" - deyə T.Quliyeva əlavə edib.
