Mayın 22-24-də Praqada ATƏT-in "ATƏT regionunda nəqliyyat təhlükəsizliyinin artırılması" adlı 14-cü iqtisadi forumu keçiriləcək. Trend in xəbər verdiyi kimi, bu barədə nəqliyyat nazirinin bu görüşdə iştirak edəcək 1-ci müavini Musa Pənahov məlumat verib. Konfrans zamanı təşkilatın iştirakçı ölkələrinin nəqliyyat sektorunda təhlükəsizlik, ekologiya və mövcud vəziyyətlə bağlı məsələlərin müzakirəsi nəzərdə tutulur.
Forumda iştirakçı ölkələrin nəqliyyat təhlükəsizliyi, regional əlaqələrin inkişafı ilə bağlı təcrübə mübadiləsinin aparılması planlaşdırılır. Bundan başqa, həmin sektorda mövcud problemlərə də aydınlıq gətiriləcək.
ATƏT-in iştirakçı ölkələrinin nəqliyyat üzrə birinci hazırlıq konfransı ötən il noyabrın 7-8-də Düşənbədə (Tacikistan), ikinci hazırlıq konfransı isə bu il martın ortalarında Bakıda keçirilib.