2006-cı il mayın sonu-iyunun əvvəllərində Poti-Bakı-Aktau-Almatı marşrutu üzrə nümayiş qatarı ikinci reys həyata keçirəcək. Bu barədə Trend ə TRACECA -nın Azərbaycan üzrə milli katibi Akif Mustafayev məlumat verib. Hazırda Qazaxıstanda yükün yığımı gedir. "Qatar Almatı- Aktau- Bakı-Poti marşrutu üzrə hərəkət endəcək" ,-deyə A.Mustafayev bildirib.
Milli katibin sözlərinə görə, hazırda Asiyada konteyner yüklərinin əsas yaranma mənbəyi olan Çin də bu layihəyə maraq göstərməyə başlayıb. Çin tərəfi sorğu göndərib və qatarın hərəkəti şərtlərini əldə edib. Beləliklə, ikinci reysin həyata keçirilməsi Çin tərəfinin marağının artmasında böyük əhəmiyyət kəsb edəcək.
Bu gün Azərbaycan, Gürcüstan və Qazaxıstan nümayiş konteyner qatarının marşrutunun Qazaxıstan və Çin sərhədindəki Dostık stansiyasına qədər uzadılması məsələsini nəzərdən keçirirlər. Daşınmaların həyata keçirilməsi üçün qatarın yol getdiyi zaman bir ton yükə görə 22 sent olmaqla vahid tarif tətbiq edilir.