"Vicdan azadlığı haqqında" qanun qəbul olunmalıdır. Trend xəbər verir ki, bu barədə Böyük Quruluş Partiyasının sədri, millət vəkili Fazil Qəzənfəroğlu bildirib.
Millət vəkili onu da qeyd edib ki, parlamentin yaz sessiyasında bir çox qanunvericilik aktlarının qəbul olunmaması cəmiyyətdə narahatlıq doğurub: "Bu sıraya "Siyasi partiylar haqqında" və "Təhsil haqqında" qanunlar daha çox daxil edilməlidir. Çox güman ki, bu sənədlər parlamentin payız sessiyasında mütləq müzakirə ediləcək"
Millət vəkili onu da bildirib ki, Əmək Məcəlləsində ciddi dəyişikliklərin olması vacibdir. Mülki Məcəllədə və bir sıra qanunvericilik aktlarına əlavə dəyişikliklər edilməlidir: "Ən əsası da "Vicdan azadlığı haqqında" qanun qəbul olunmalıdır. Çünki insanların dini ibadətinə və inancına görə təqib olunması faktları aşkarlarlanır. Onların fəliyyətini tənzimləmək üçün sənəd olmalıdır".
F.Qəzənfəroğlu onu da vurğulayıb ki, "Siyasi partiylar haqqında" qanun layihəsi rəhbərlik etdiyi partiya tərəfindən hazırlanaraq üç ay öncə Milli Məclis rəhbərliyinə təqdim olunub. Ancaq hələlik bir cavab yoxdur.