Azərbaycan Respublikası Dövlət Neft Şirkətinin Xəzər Dəniz Neft Donanması idarəsi "General Şıxlinski", "Sabit Orucov" gəmilərinin təmiri üçün avadanlıq və ehtiyat hissələrinin alınması üçün tender elan edib.
Tenderin şərtlərinə görə avadanlıq və ehtiyat hissələri müqavilənin bağlandığı gündən üç aydan gec olmayaraq sifarişçiyə çatdırılmalıdırlar.
Tədarük olunan avadanlıq və ehtiyat hissələrinin ödənişi il ərzində hissə-hissə həyata keçiriləcək. Tender sənədləri cari ilin iyulun 25-dən gec olmadan təqdim olunmalıdır.
Avadanlıq və ehtiyat hissələrinin alınması zamanı üstünlük ən az qiymət, göndərmə müddəti, iş təcrübəsi təklif etmiş şirkətlərə veriləcək. Tender təkliflərinin açılışı cari ilin iyul 26-da olacaq.
