Dünya bankının Azərbaycanda SKADA sisteminin yaradılma layihəsi üzrə qiymətləndirmə missiyası ölkə höküməti və ölkənin su təsərrüfatının işində iştirak edən müvafiq qurumlar üçün strategiyanı təqdim edib. Bu barədə Trend ə DB-nin Bakı nümayəndəliyindən xəbər veriblər.
Bankın su təchizatı sektorunun meneceri Li Travers və süni suvarma sektorunun direktoru Yurgen Voqel hazırda Bakıdadır. Strategiyanın müzakirəsi bu gün davam etdiriləcək.
Bank nümayəndələrinin qeyd etdiyi kimi, hökümətə su təchizatı sektorunda görülən işin bir neçə variantı təqdim olunub. Onlar bir-birindən qiymətinə görə fərqlənir, qiymət isə dövlətin həyata keçirməyə lazım bildiyi işin həcmindən asılıdır.
Səfər zamanı DB-nin hazırladığı su layihəsinin qiymətləndiriləcəyi gözlənilir və bankın ekspertləri su təsərrüfatı üzrə strategiyanı təqdim edəcəklər. Su təsərrüfatı üzrə strategiya hazırlığının bu ilin payızına qədər tamamlanacağı ehtimal olunur.
Bank ekspertləri layihə konsepsiyasının təqdimatını keçiriblər. Hökümətə strategiyanın hazır elementləri təqdim olunub. Layihənin ilkin dəyəri 120 milyon ABŞ dolları təşkil edir. Bu layihədə xəbərdarlığın, uzaq məsafədən tənzimlənmənin, məlumatın əldə olunmasının avtomatlaşdırılmış sisteminin yaradılması və su təmizləyici qurğuların bərpası nəzərdə tutulub.
