Yaxın günlərdə Həştərxanda Xəzər Dəniz Gəmiçiliyinin "Koroğlu" adlı yeni tankerilə bağlı sənədləşdirmə başa çatacaq. Bu barədə Trend ə idarədən xəbər veriblər. Bundan 2 gün sonra gəmi Azərbaycana çatacaq. Ehtimallara görə, bu təxminən avqustun 10-da baş tutacaq.
"Koroğlu" tankeri Xəzər Dəniz Gəmiçiliyinin sifarişilə Rusiyanın "Krasnoye Sormovo" gəmiqayırma zavodunda hazırlanan həmin tipli 4-cü gəmidir.
Sonuncu - 5-ci tanker naviqasiyanın sonunda, oktyabr-noyabrda təhvil veriləcək "Dədə Qorğud" adlanan bu gəmi artıq zavodda suya buraxılıb.
Hökumətdən verilən məlumata əsasən, bu gəmilərin Rusiya daxili suları ilə gətirilməsi zamanı xüsusi icazəyə ehtiyac yoxdur.
