BVF-nın Monetar və Maliyyə Sistemləri Departamentinin texniki missiyası səfərinin yekunları üzrə Azərbaycan Milli Bankına ölkədə monetar siyasətin təkmilləşdirilməsi haqqında tövsiyələrini təqdim edəcək.
Bankdan Trend ə verilən məlumata əsasən, Valyuta Fondunun ekspertləri ilə monetar siyasətinin formalaşdırılması, bu sahədə araşdırmanın aparılması məsələləri müzakirə olunub.
Fondun texniki missiyası qiymətli dövlət kağızları bazarının vəziyyəti və Milli Bank tərəfindən monetar siyasət çərçivəsində həyata keçirilən digər sterilizasiya əməliyyatları haqqında məlumatlandırılıb.
Missiyaya BVF-nın departamentinin baş iqtisadçısı Cefri Hinan başçılıq edir. Missiyanın tərkibinə isə iqtisadçılar Rama Set və Anna Nordstrom daxildir. Avqustun 7-də başlanmış səfər avqustun 17-də başa çatacaq.
Milli Bank özü texniki yardım yardım istəyib və bu, həmin yardım çərçivəsində ekspertlərin ilk səfəridir. Bankda hesab edirlər ki, DB-nin texniki yardımından fərqli olaraq tematik missiya lazım olan müddətədək davam etdirilə bilər.
BVF ekspertləri AMB, Maliyyə Nazirliyi, Dövlət Neft Fondu, bakı Fond Birjası, Bakı Banklarası Valyuta Birjasında görüşlər keçirəcək.