Azərbaycanın bölgələrində 1 mln 976 min ton yazlıq və payızlıq dənli bitkiləri (qarğıdalı da daxil olmaqla) yığılıb. Bu barədə Trend Kənd Təsərrüfatı Nazirliyindən məlumat verilib. Yığım 762 min ha sahədə həyata keçirilib ki, bu da ümumi əkin sahəsinin 97%-ni təşkil edir.
Hər hektardan 25,9 sentner məhsul yığılıb.
Hazırda aran bölgələrdə yığım başa çatıb. Dağ və dağətəyi bölgələrdə isə davam edir. Əsasən, qarğıdalı yığımı həyata keçirilir.
2006-cı il üçün Azərbaycanda dənli bitkilərin yığım həcmi 2,2 mln ton səviyyəsində proqnozlaşdırılmışdı. Ümumi istehsal strukturunda 1,6 mln ton ərzaq taxılının payına düşməliydi. İdxalın həcmi isə 500 min tondan artıq nəzərdə tutulmuşdu.
Hazırda ölkədə dənli bitkilərə təlabat 3,4 mln ton həcmindədir.