Oktyabr ayının sonu- noyabr ayının sonunda "Azərbaycan dövlət investisiya şirkəti" SC (AİŞ) sahibkarlar və biznes-mühit üçün onun fəaliyyətinin təqdimatını keçirməyi planlaşdırır. Şirkətin icraçı direktoru Anar Axundovun Trend ə verdiyi xəbərə görə, hazırda artıq qeyri-neft sektorunda potensial tərəfdaşlarla iş görülür, bu və ya digər sahədə investisiya şirkətinin vəsaitləri ilə iştirak etmək imkanı öyrənilir.
"Biz özəl sektordan təşəbbüs gözləyirik və təqdimatda biz investisiya qərarlarının qəbul olunma prosedurları və meyarları ilə tanış etmək istəyirik", - deyə A.Axundov qeyd edib. Bununla əlaqədar təqdimatın keçirilmə müddəti investisiya şirkətinin vəsaitlərinin xərclənməsi qaydalarının təsdiqi ilə bağlıdır.
AİŞ başçısının sözlərinə görə, qaydalar artıq şirkətin Müşahidə şurasının üzvlərinə təqdim olunub. O, qaydaların təsdiq müddətini deməkdə çətinlik çəkib, çünki bu, şuranın səlahiyyətlərinə aiddir.
Hazırda AİŞ-in nizamnamə kapitalı 20 mln. manat səviyyəsində formalaşıb və 2006-cı ilin sonunadək 50 mln. manata qədər çatdırılacaq. Şirkətin elan olunmuş kapitalı 90 mln. manat təşkil edir və 2007-ci ildə tamamilə ödəniləcək. Buna səhmdar cəmiyyətlər üçün qanunvericilikdə imkan verilir. AİŞ kapitalı Azərbaycan Dövlət Neft Fondunun vəsaitləri hesabına formalaşır.
