...

Azərbaycanın nəqliyyat naziri Koreyaya səfər edəcək

Biznes və iqtisadiyyat xəbərləri Materials 4 Oktyabr 2006 18:40 (UTC +04:00)

Trend-i buradan izləyin

Bu ayın sonu- gələn ayı əvvəli Azərbaycanın nəqliyyat naziri Ziya Məmmədov Cənubi Koreyaya səfər edəcək. Bu barədə Trend ə respublikanın Nəqliyyat Nazirliyindən məlumat verilib. Səfər zamanı nəqliyyat sahəsində, o cümlədən Bakı şəhərinin nəqliyyat infrastrukturunun işinin yüngülləşdirilməsi üçün avtobus tədarükü məsələsində ikitərəfli əməkdaşlıq məsələlərinin müzakirəsi nəzərdə tutulub.

Nazirlikdən bildiriblər ki, avtobuslar özəl sərnişin daşıyıcıları tərəfindən alınacaq. Lakin nazirlik tənzimləyici funksiyanı yerinə yetirir. Bu funksiya Azərbaycanda sərnişin daşınması üçün istifadə olunacaq avtomobillərin standartlarının müəyyənləşdirilməsindən ibarətdir.

Nazirlik nümayəndələrinin məlumat verdiyi kimi, Almaniya, Koreya, Çin istehsalçıları Azərbaycana böyük tutumlu avtobusların gətirilməsi üzrə təkliflərlə çıxış ediblər. Hazırda həmin təkliflər iqtisadi cəhətdən dəyərləndirilir.

Təklif olunmuş təkliflərdən ən səmərəlisi, Bakı şəhərinin küçələrinə uyğun gələni seçiləcək. İlkin mərhələdə təxminən 200, gələcəkdə isə daha 500 belə avtobusun alınması nəzərdə tutulub.

Bu onunla izah olunur ki, qiymətləndirmələrə görə sərnişin daşınması və marşrutların təmin olunması üçün təxminən 800 böyük tutumlu və təxminən 2 min orta tutumlu avtobus lazımdır.

Bütün işlər Azərbaycan prezidentinin "2006-2007-ci illər üçün Bakı şəhərində nəqliyyat sisteminin təkmilləşdirilməsi haqqında" fərmanı çərçivəsində həyata keçiriləcək. Yeni avtobusların alınması şəhərin nəqliyyat infrastrukturunda bəzi problemləri həll etməyə, eləcə də sərnişinlərə xidmət göstərmə keyfiyyətini artırmağa imkan verəcək.

Xəbər lenti

Xəbər lenti