Agrolizing ASC-i fermerlərə dövlət strukturları xətti ilə kənd təsərrüfatı texnikasının verilməsi şərtlərinin yüngülləşdirilməsi yolunda işlərin uğurlu gedişatına ümid edir. Bu haqda Trend -ə ASC-nin rəhbəri Tariyel Rəsulov xəbər verib.
Əvvəllər regionlardan ASC-nin kənd təsərrüfatı texnikasının verilməsi üçün qoyduğu rüsumların çoxluğu haqqında müraciətlər gəlirdi və regionlarda fermerlərin vəziyyətini nəzərə alaraq, Azərbaycanın Kənd Təsərrüfatı Nazirliyi ASC ilə birgə bu məsələ ilə bağlı öz təkliflərini hazırlayıblar və hökümətə təqdim ediblər.
"Agrolizing"-in rəhbəri hesab edir ki, alış üçün kredit müddətinin 5 ildən 10 ilə qədər uzadılması, həm də ipoteka müqaviləsi zamanı texnikanın qiymətinin 50% həcmində girovun ləğv edilməsi məqsədəuyğundur.
"Hazırda hökümət bizim təklifimizi nəzərdən keçirir və ümid edirik ki, son qərar maraqlı şəxslərin - fermerlərin xeyrinə qəbul olunacaq"- T.Rəsulov qeyd edib.
2005-ci ildə dövlət vəsaiti hesabına ASC-yə 100 milyard AZM ayrılıb, buradan 8 milyardı ASC-nin idarə olunmasına xərclənib, məbləğin qalan hissəsinə isə kənd təsərrüfatı texnikası alınıb.
2006-cı ildə Agrolizing üçün 28 milyon AZN ayrılıb ki, buna da min ədəd kənd təsərrüfatı texnikası almaq planlaşdırılır.