2007-ci ildə Azərbaycan Dövlət Neft Fonduna (ARDNF) daxilolmalar 1,55 mlrd. manat təşkil edəcək, bu isə cari illə müqayisədə 82,1% çoxdur. Trend xəbər verir ki, bu barədə maliyyə naziri Samir Şərifov 2007-ci il üçün büdcə proqnozlarının müzakirəsinə həsr olunmuş parlament komissiyalarının bugünkü birgə toplantısında məlumat verib.
Fondun xərclərinin 969,7 mln. manat səviyyəsində olacağı gözlənilir, bu isə bu ilki göstəricidən 5,1% azdır. Qalıq təxminən 560 mln. manat təşkil edəcək. Qaçqın və məcburi köçkünlər üçün sosial münasibətlərin yaxşılaşdırılmasına, Oğuz-Qəbələ su kəmərinin inşasına, Samur-Abşeron kanalının yenidənqurulmasına Dövlət Neft Fondunun vəsaitlərindən 384,7 mln. manatın ayrılması planlaşdırılır. Dövlət büdcəsinə transfertlər 585 mln. manat həcmində müəyyənləşdirilib.
Neft fondu gəlirlərinin strukturunda bonus ödənişlərdən 17,2 mln. manat, akrlar üzrə ödənişdən - 5,56 mln. manat, xam neftin satış fərqindən - 33,3 mln. manat, fond vəsaitlərinin idarəsindən - 55 mln. manat daxilolma nəzərdə tutulub.