Avropa Yenidənqurma və İnkişaf Bankının Azərbycan üzrə baş iqtisadçısı Antia Takinin Trend ə verdiyi məlumata görə, inflyasiyanın artım tempini saxlamaq üçün Azərbaycanın milli valyutada daxili xərclərini məhdudlaşdırması və onları daha çox infrastruktur layihələrə yönəltməsi vacibdir.
Onun fikrincə, ölkədə monetar və fiskal siyasətə kompleks şəkildə baxılmalıdır. Dövlət xərclərinə nəzarət etməklə yanaşı, Azərbaycan Milli Bankı ölkəyə valyuta daxilolmalarını da tənzimləməlidir.
"Uzunmüddətli xərcləmələr inflasiya üzərində nəzarəti gücləndirə bilər" - A.Taki hesab edir. AYİB-in Bakı nümayəndəliyinin başçısı Reymond Konvey ölkə infrastrukturuna investisiya qoyuluşunun vacibliyini doğru sayır, lakin birinci növbədə hökumətin investisiya planı hazırlamasının vacibliyini qeyd edir. "Bununla hökumət investisiya ehtiyatı, o cümlədən infrastruktur üçün lazımi vəsait həcmi barədə əvvəlcədən məlumatlı ola bilər, eləcə də inflyasiyanı nəzarətdə saxlaya bilər" - R.Konvey hesab edir.
