Bu ilin yanvar-oktyabr aylarında Naxçıvan Muxtar Respublikasının (NMR) məşğulluq orqanlarında işsiz kimi qeydiyyata alınmış 1712 şəxs işlə təmin olunub. Bu barədə Trend ə NMR-in Bakıdakı daimi nümayəndəliyindən məlumat verilib.
NMR-də işsizlik üzrə orta müavinət 38,3 manat olub, bu isə iqtisadiyyat sahəsində işləyənlərin orta aylıq əmək haqqının ümumi məbləğinin 35,4%-ni təşkil edir.
2003-cü ilin oktyabr ayından 2006-cı ilin oktyabr ayına qədər muxtariyyatda 22853 iş yeri yaradılıb. 13905 iş yeri daimidir, bunlardan 9951 yer yeni yaradılmış müəssisələrdə, 2955 yer- mövcud olan şirkətlərdə, 999 iş yeri öz fəaliyyətini bərpa etmiş müəssisələrdə yaradılıb.
Nümayəndəlikdən həmçinin bildirilib ki, yeni yaradılmış iş yerlərindən 2276-sı yeni iş yeridir. Bunlardan 23,2% dövlət sektoru, 76,8% özəl müəssisələrin payına düşür.
