...

ƏDV - hesablar sistemi 2007-ci ortalarından tətbiq oluna bilər

Biznes və iqtisadiyyat xəbərləri Materials 20 Dekabr 2006 17:31

Trend-i buradan izləyin

Hökümətdə ƏDV inzibatçılıq sisteminin təkmilləşdirilməsi üçün ƏDV-hesabların tətbiq olunması sisteminin təfərrüatlı hazırlanması üçün iş davam etdiriləcək. Vergilər naziri Fazil Məmmədovun Trend ə verdiyi xəbərə görə, onun hətta 2007-ci ilin ortalarında tətbiq olunacağı da istisna olunmur, belə ki, bu təklif hələ 3 il bundan əvvəl irəli sürülüb.

"Biz bu məsələni təfsilatı ilə müzakirə etdik, halbuki Vergi məcəlləsinə dəyişiklik və əlavələrin edilməsi layihəsindən ƏDV-hesabları sisteminin tətbiq olunmasını nəzərdə tutan bənd çıxarılıb, lakin biz bu məsələdən tamamilə uzaqlaşmamışıq. Bu sistemin qəti surətdə hazırlanması üçün hələ bir çox texniki məqamlara görə vaxt tələb olunur, belə ki, bura bank sistemi, vergi ödəyicilərinin dövriyyə vəsaitləri cəlb olunacaq", - deyə nazir qeyd edib.

Onun fikrincə, ən əsası - bu il həmin təklifin parlamentə daxil olmasıdır, lakin sistemin effektivliyi üçün mexanizm hazırlanmalıdır. ƏDV-hesablar sistemi dövlət büdcəsinə ƏDV-nin yığılmasını və vergi vəsaitlərinin ƏDV ödəyicilərinin ayrıca cari bank hesabları vasitəsilə dövriyyəsini nəzərdə tutur.

ƏDV-hesablar sisteminin tətbiqi ƏDV üzrə dövlət büdcəsinə daxilolmaları 30-50% artırmağa imkan verəcək. Azərbaycanda ƏDV faiz dəcərəsi 18%-ə bərabərdir.

2001-2005-ci illərdə vergi ödəyiciləri saxta qaimələrin tətbiq olunması ilə ƏDV üzrə vergi qoymadan təxminən 3,4 mlrd. manat dövriyyə gizlədilib. Həm də bu dövrdə Azərbaycanın dövlət büdcəsinə ƏDV-dən 626,4 mln. manat həcmində gəlir daxil olmayıb.

2007-ci il üzrə dövlət büdcəsində Vergilər Nazirliyinin xətti üzrə ƏDV daxilolmalarının 580 mln. manat səviyyəsində olacağı proqnozlaşdırılır.

Xəbər lenti

Xəbər lenti