2006-cı il dekabrın 1-də dövlət büdcəsinin gəlir hissəsinə faktiki daxil olan pullar 3624,6 mln manat (ÜDM-nin 22,2%-i) təşkil edib ki, bu, ötən ilin analoji dövrü ilə müqayisədə 196,5% və ya 1779,7 mln manat artıb. Bu barədə Trend ə dövlət idarəsindən xəbər verilib. Büdcə xərcləri 66,9% (1248,8 mln manat) artaraq 3116,5 mln manat (ÜDM-nin 19,1%-i) təşkil edib. 11 ay ərzində büdcə profisitləri 508,1 mln manat təşkil edib ki, bu da ÜDM-in 3,1%-ni təşkil edir.
Dövlət büdcəsinin mədaxil hissəsin strukturunda 70,2%-i (2545,8 mln manat) Vergilər Nazirliyinin hesabına təmin olunub. Vergi yığılması üzrə proqnozun icrası105,3% təşkil edib. Gömrük rüsumu və vergilərin daxil olmasından yığılan pul isə proqnozun icrasını 102,1%-ni təşkil etməklə 472,2 mln manat (xüsusi çəkisi 13%) təşkil edib.
Hesabat dövründə ÜDM-dan 687,8 mln manat daxil olub ki, bu ümumi gəlirin 19%-ni təşkil edir. Gəlir vergiləri 596,8 manat (16,5%), mənfəət vergisi 305,3 mln. manat (8,4%), aksiz vergisi 163,1 mln manat (4,5%), xarici-iqtisadi fəaliyyət üzrə vergilər 226,5 mln. manat (6,2%) təşkil edib.
Əhalinin sosial təminat və müdafiəsi üçün budcə vəsaitlərindən 11 ay ərzində 294,3 mln. manat (9,4%), təhsil üçün 396,1 mln. manat (12,7%), prokurorluq, təhlükəsizlik, hüquq-mühafizə, məhkəmə hakimiyyəti orqanlarının saxlanması üçün -220,4 mln. manat (7,1%), iqtisadiyyata investisiya qoymağa - 1069,9 mln. manat (34,3%),bunlardan mənzil kommunal xərclər üçün 53,1 mln. manat (1,7%), sənaye və tikinti üçün -735,6 mln.manat (23,6%), kənd və meşə təsərrüfatı üçün, həmçinin balıqçılıqdan ötrü 116,2 mln. manat (3,7%) sərf olunub. Məvaciblərin, təqaüd və maddi yardımların verilməsi üçün yanvar-noyabr ərzində büdcədən 30,1% (939,2 mln. manat) xərclənib.