Müdafiə Sənayesi Nazirliyi üçün satınalmalarla bağlı dövlət xərcləri üzərində ictimai nəzarətin təyin olunması üçün Milli Məclisdə xüsusi qrupun yaradılması nəzərdə tutulub. Trend xəbər verir ki, bu barədə cümə axşamı İqtisadi araşdırmalar mərkəzinin başçısı Qubad İbadoğlu məlumat verib.
Onun sözlərinə görə, digər ölkələrdə belə təcrübə var.
Nazirliyin dövlət satınalmaları ilə bağlı sərf etdiyi xərclər haqqında məlumatlar qrupa təqdim olunmalı və qrup da, öz növbəsində, ölkə prezidenti qarşısında hesabat verməlidir.
Q.İbadoğlunun sözlərinə görə, kontraktorların seçiminə mühüm yer veriləcək. Dünya bankının dünyanın 168 ölkəsində biznes üçün şəraitin qiymətləndirilməsi üzrə hesabatında, 2006-cı ilin yekunlarına görə, Azərbaycan bir addım aşağı (34-cü yer) yer tutub. Mərkəzin başçısı hesab edir ki, MDB-nin başqa ölkələri ilə müqayisədə AR daha yaxşı qiymətləndirilir.
Onun sözlərinə görə, Azərbaycanda tenderlərin keçirilməsi üçün 27 prosedur var və əhatə müddəti 267 gündür. Bölgədə isə prosedurların sayı 30-dan çoxdur (408 gün).
Tenderdə xərclərin xüsusi çəkisi AR-də 19,8%, bölgədə - 15% təşkil edir. Bu verilənlər ölkədəki vəziyyəti ən yaxşı tərəfdən göstərir, lakin bununla yanaşı bəzi problemlər qalır.
Məsələn, 2007-ci il üçün dövlət büdcəsində tikinti üçün xərclərin xüsusi çəkisi 26,6% təşkil edir və satınalmaların həyata keçirilməsi üçün 1,5 mlrd. manat nəzərdə tutulub, lakin vəsaitlərin kimin alacağı göstərilməyib. Q.İbadoğlunun fikrincə, neft və energetika sahələrində satınalmalarda həmçinin onların qiymətinin artması halları da müşahidə olunur.
