Trend in məlumatına əsasən, Azərbaycan Dövlət Neft Fondu 2007-ci ildə ölkənin valyuta bazarında fəaliyyətini aktivləşdirməyi planlaşdırır. Ötən ilin yekunlarına və 2007-ci ilin planına həsr olunmuş bu günkü mətbuat konfransında fondun icraçı direktoru Şahmar Mövsümovun bildirdiyinə görə, Neft Fondunun büdcəsi cari il üçün profistlə proqnozlaşdırılıb. Bu da sterilizasiya tədbirlərinin aparılmasına və dövriyyədən artıq dollar pul kütləsinin çıxarılmasına imkan verəcək. Bu vəsaitlər müxtəlif gəlirli maliyyə əlatlərinə qoyulacaq. "Sterilizasiya yolu ilə "holland sindromu"nun aradan qaldırılmasına öz töhvəmizi verəcəyik. Mən mütəxəssislərin "holland xəstəlyi"nin mövcudluğu fikirləri ilə razı deyiləm. Bu fikir Azərbaycandakı iqtisadi göstəriciləri ilə tərs mütənasibdir. Ölkədə iqtisadi yüksəliş sürətli templərlə müşahidə olunur", deyə Ş. Mövsümov bildirib.
2007-ci ildə Neft Fondunun gəlirləri 1,555 milyard manat həcmində, məsariflər isə 0,9 milyon manat nəzərdə tutulb. Fond rəhbəri bu ümidin doğrulmasına əmindir. Belə ki, beynəlxalq mütəxəssislərin proqnozlarına görə, dünya bazarlarında neftin qiymətinin artım tendensiyası davam edəcək. "Bu il 1 barel neft üçün 60 dollarla başlayıb, dövlət və Neft Fondunun büdcəsində neftin ortaillik qiyməti 50 dollar məbləğində müəyyənləşdirilib", deyə Ş. Mövsümov bildirib.
