...

2008-ci il üçün Azərbaycanın dövlət büdcəsinin proqnozlarının işlənməsi başlayır

Biznes və iqtisadiyyat xəbərləri Materials 31 Yanvar 2007 15:17 (UTC +04:00)

Azərbaycanın Nazirlər Kabinetinin sərəncamı ilə 2008-ci il üçün dövlət büdcəsinin layihəsinin, Sosial-iqtisadi inkişaf konsepsiyasının və ölkə prezidentinə vaxtında təqdim olunması üçün proqnoz göstəricilərinin hazırlanmasına start verilib.

Hökumətdən Trend ə verilən xəbərə görə, Maliyyə Nazirliyinə 15 sentyabr 2007-ci il tarixinədək hökumətə 2008-ci il üçün dövlət büdcəsi, ümumi büdcə layihələrinin təqdim olunması, İqtisadi İnkişaf Nazirliyinə isə - gələn il və növbəti üç il üçün makroiqtisadi proqnozların təqdim olunması həvalə olunub. Maliyyə Nazirliyinə 2008-ci il üçün dövlət büdcəsi layihəsinin işlənməsi üçün hökumət komissiyasının yaradılması üzrə təkliflərin bir ay ərzində Nazirlər Kabinetinə təqdim olunması tapşırılıb.

Dövlət Statistika Komitəsinə 2006-cı il üçün Azərbaycanın sosial-iqtisadi inkişafı üzrə ilkin statistik məlumatları 5 fevral 2007-ci ilə qədər Maliyyə və İqtisadi İnkişaf Nazirliyinə təqdim etmək barədə göstəriş verilib. Bundan başqa, Dövlət Statistika Komitəsi Maliyyə, İqtisadi İnkişaf və Vergilər Nazirliyinə dövlət büdcəsi layihəsinin, sosial-iqtisadi inkişaf üzrə proqnozların və ümumi maliyyə balansının işlənməsi zamanı istifadə oluna biləcək istənilən statistik məlumatı təqdim etməlidir.

Vergilər Nazirliyi və Dövlət Gömrük Komitəsinə iyulun 1-dək öz zəmanət məktublarını Maliyyə Nazirliyinə təqdim etmək həvalə olunub. Bu məktublarda onların 2008-ci il və 2009-2011-ci illər üçün dövlət büdcəsinin gəlir hissəsinin təmin olunması üzrə proqnozları göstərilməlidir.

Dövlət sosial müdafiə fondunun, Dövlət neft fondunun və Avtomobil məqsədli büdcə fondunun 2008-ci il üçün büdcələrinin ilkin variantı Maliyyə və İqtisadi İnkişaf Nazirliyinə martın 15-dək, dəqiq variantı isə - iyulun 1-dək təqdim olunmalıdır.

Sərəncama əsasən, Nazirlik və idarələr mayın 1-dək 2008-ci il üçün investisiya layihələrinin maliyyələşdirilməsinə aid təkliflərini Maliyyə və İqtisadi İnkişaf Nazirliklərinə təqdim etməlidirlər.

Dövlət büdcəsindən maliyyə yardımı (dotasiya) almaq istəyən bələdiyyələrə 1 may 2007-ci il tarixinədək bütün lazımi sənədləri Maliyyə Nazirliyinə təqdim etmək tövsiyyə olunur.

Nazirliklər, komitələr, şirkətlər və dövlət büdcəsindən maliyyələşdirilən digər təşkilatlar, NMR Nazirlər Kabineti, eləcə də idarə və təşkilatlar, şəhər, rayon icra hakimiyyətlərinin dövlət büdcəsindən müvafiq maliyyə yardımı (dotasiya, subvensiya və subsidiya) maliyyə orqanları büdcə proqnozlarının formalaşacağı müddətdə Dövlət Büdcəsinin tərtib və icra olunması Qaydalarındakı vəzifələri yerinə yetirməlidirlər.

Xəbər lenti

Xəbər lenti