"Azərbaycan investisiya şirkəti" (AİŞ) SC insulin zavodunun tikintisinə investisiya yatırılması ilə bağlı Danimarkanın "Nordisk" şirkəti ilə danışıqları davam etdirir.
Cümə axşamı AİŞ icraçı direktorunun müavini Riyad Qasımov Trend ə bildirib ki, Danimarka şirkəti Moskvada yerləşən regional ofisi vasitəsilə layihədə iştirak etməyi təklfi edir. R.Qasımov bildirib: "Biz "Nordisk"in baş ofisi ilə işləmyi arzulayırıq, ona görə danışıqları hələ davam etdiririk".
İnsulin çatışmazlığı rprobleminin dövlət səviyyəsində həll edilməsinin vacibliyi son zamanlar respublikada bu tibbi preparata olan tələbatın artması səbəbindən irəli gəlib. Layihənin realizəsi daxildə yüksək keyfiyyətli insulin istehsalı hesabına mövcud tələbatı ödəməyə, eləcə də bu tibbi preparatın ixracatına imkan verəcək.
Layihə təxminən 12 mln. dollar həcmində dəyərləndirilir.
