...

Dünya Bankı Azərbaycanın maliyyə sahəsində layihələrini nəzərdən keçirəcək

Biznes və iqtisadiyyat xəbərləri Materials 5 Fevral 2007 16:51 (UTC +04:00)

Bu gün Bakıya DB-nin Azərbaycandakı maliyyə layihələri rəhbəri Sone Brayoviç-Bratanoviçin başçılığı ilə missiyasının səfəri başlayır. DB-nin Bakı nümayəndəliyinin rəhbəri Qreqori Yedjeyçakın Trend ə verdiyi məlumata əsasən, səfərin əsas məqsədi ölkənin maliyyə sahəsində artıq həyata keçirilən layihələrin nəzərdən keçirilməsidir.

Bankın maliyyə dəstəyi ilə bu günə qədər Azərbaycanda maliyyə sahəsində 2 - "Maliyyə sahəsinə texniki yardım" və "Bazar xidmətlərinin inkişafı" layihələri həyata keçirilib.

Bu layihələr çərçivəsində milli ödəmə, paytaxtdan kənar şöbələrinin vasitəsilə həyata keçirilən ödəmələrin həyata keçirilməsi məqsədilə poçt sistemi, bank sahəsində qanunvericilik bazası və bank nəzarətinə yardım göstərilərək mükəmməlləşdirilib.

DB maliyyə sahəsindəki texniki yardım layihəsinə 5,4 miylon dollar, maliyyə xidmətlərinin inkişafına 12 milyon dollar məbləğində kredit ayırıb.

Q.Yedjeyçakın sözlərinə görə, Azərbaycan Respublikasının (AR) maliyyə sisteminin müasirləşdirilməsi yeni layihəsi üçün onun quruluşunu, Azərbaycan dövləti tərəfindən benefisiyasını müəyyən etmək lazım olduğuna görə bu barədə danışmaq hələ tezdir. DB sığorta bazarının nizama salınması sahəsində əvvəlcədən istiqamətləri müəyyənləşdirib - beynəlxalq standartlara uyğun olaraq yardım, maliyyə hesabatlarının mükəmməlləşdirilməsi, bank bazarı (bank infrastrukturunun inkişafı) və ölkənin maliyyə sahəsi, kapital bazarı və qismən qiymətli kağızlar bazarının inkişafı.

DB -nin Azərbaycan hökuməti ilə əməkdaşlığı strategiyasına (2007-10-cu illər) AR-in maliyyə sisteminin müasirləşdirilməsi layihəsinə 10 milyon dollar yatırılıb. DB-nın direktorlar şurasında kredin təsdiqi bankın 2008-ci maliyyə ilində nəzərdə tutulub. Bankın bu kredit resursları ölkədə Beynəlxalt İnkişaf Assosiasiyasının xətti ilə güzəşt şərtilə təqdim olunub.

Xəbər lenti

Xəbər lenti