Azərbaycan,Bakı/müxbir Trend N.Kirtsxalia, S.Babayeva/22-23 mart tarixində Tiflisdə keçiriləcək Gürcüstan Beynəlxalq Konfransı və VI "Neft, Qaz, Energetika və İnfrastruktura" - GIOGIE 2007 sərgisinə 15 ölkədən 250 nümayəndə dəvət olunub. Bu barədə Trend in xüsusi müxbirinə Gürcüstanın Energetika Nazirliyindən məlumat verilib. Azərbaycan nümayəndə heyəti tədbirə fəxri qonaq qismində dəvət olunub.
Konfransın keçirilməsinə dəstəyi Gürcüstanın baş naziri, energetika, iqtisadi inkişaf nazirləri və Gürcüstanın neft-qaz şirkətləri göstərir. Fəxri qonaqlar qismində ABŞ, Türkiyə, Qazaxıstan və Azərbaycan nümayəndələri dəvət olunub. Konfransda Azərbaycanı Azərbaycan Dövlət Nefıt Şirkətinin (ADNŞ) nümayəndə heyəti təmsil edəcək. Nümayəndə heyətinin tərkibinə SOCAR Energy Georgia -ın baş direktoru Mahir Məmmədov və ADNŞ-in marketinq və iqtisadi əməliyyatlar üzrə idarə əməkdaşı Seymur Ağayev daxildir.
Konfransın ilkin proqramına əsasən, tədbirin açılış mərasimində Gürcüstanın baş naziri Zurab Noqaidelinin təbrik nitqi planlaşdırılıb. Kofransın birinci günü dörd sessiya ilə keçəcək.
"Gürcüstanın enregetika sektorunda strateji inkişaf və beynəlxalq əməkdaşlıq" birinci sessiyanın gedişində ITE Group plc-in direktoru Maykl Xartlinin təbrik nitqi, Gürcüstanın energetika naziri Nikoloz Qilauri, ABŞ-ın Gürcüstandakı səfiri Con Tefft, SOCAR Energy Georgia-nın rəhbəri Mahir Məmmədov, TRAO-nun icraçı vitse-prezidenti Mete Qurelya, BOTAS International Ltd.-nin baş direktoru Salih Paşaoğlu, BP-nin ölkə üzrə meneceri Xyu MakDouel tərəfindən məruzələr nəzərdə tutulub.
"Gürcüstana neft və qaz nəqli" ikinci sessiyasında məruzələr GOGC - Georgian Oil
"Regional energetik təhlükəsizlik. Beynəlxalq əməkdaşlıq" üçüncü sessiyasında məruzələr International Energy Agency, GOGC, Millennium Challenge Georgian Fund nümayəndə heyətləri tərəfindən olacaq.
"Gürcüstanda investisiya iqlimi" dördüncü sessiyasında EBRD, Gürcüstanın İqtisadi İnkişaf Nazirliyi, PriceWaterhouseCoopers və Bank TuranAlem tərəfindən təqdimatlar olacaq.
Konfransın ikinci günündə martın 23-də Gürcüstanda neft və qazın işlənməsi və hasilatı, Gürcüstanın neft-qaz sahəsi, reabilitasiya layihələri, özəlləşdirmə və investisiaya imkanları məsələləri müzakirə olunacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
