Azərbaycan, Bakı /müx. Trend S.Babayeva/ Azərbaycanın Hesablama Palatası "Azəristiliktəchizat" Səhmdar Cəmiyyətində aparılan auditi müzakirə edib. Yoxlamaların məqsədi 2005-2006-cı illərdə "Sənaye və tikinti xərclər" bölməsi üzrə dövlət büdcəsindən ayrılan vəsaitlərin istifadəsinin müəyyən edilməsi olub. Bu barədə Hesablama Palatasından bildiriblər.
Audit zamanı aşkar olunub ki, 2005-2006-ci illərdə "Azəristiliktəchizat"da büdcə proqnozları tərtib edilməyib, tenderlərin keçirilməsi zamanı "Dövlət alınmaları haqqında" qanuna riayət olunmayıb, tikinti-təmir işləri üçün ayrılan vəsaitin müəyyən hissəsi avtomobillər və avadanlıqların alınmasına yönəlib.
Auditin nəticələri "Azəristiliktəchizat" nümayndələrinin iştirakı ilə müzakirə olunub və kollegiya iclasının qərarı Maliyyə Nazirliyinə, habelə "Azəristiliktəchizat"ın özünə göndərilib.
